महोतरी /फाल्गुन -१२

नेपाल-भारत सीमा क्षेत्रबाट स्रोत नखुलेको ९ लाख ५० हजारसहित एक भारतीय पक्राउ परेका छन् । महोत्तरीको मनराशिसवा २ स्थित नेपाल-भारत सीमा क्षेत्रबाट स्रोत नखुलेको ९ लाख ५० हजारसहित एक भारतीय पक्राउ परेका छन् । भारत सितामढी सिरसिया थाना १४ घर भएका ३० वर्षका दिपककुमार चौधरी पक्राउ परेको महोत्तरी प्रहरीले जनाएको छ । दशगजा बाट बीआर ३० ए डि ८३४६ नम्बरको मोटरसाइकलमा नेपाल आउँदै गरेका चौधरीलाई जाँच गर्ने क्रममा सो रकम फेला परेको जिल्ला प्रहरी कार्यालय महोत्तरीका प्रहरी प्रवक्ता डिएसपी प्रकाश विष्टले जानकारी दिए । चेक गर्ने क्रममा कम्बरमा रातो कपडाको थैलीभित्र लुकाईछिपाई ल्याएको नेपाली रुपैयाँको स्रोत नखुलेको प्रहरीले जनाएको छ । नियन्त्रणमा रहेका चौधरीलाई कारबाहीका लागि जलेश्वर भन्सार कार्यालय मलिवारा पठाउने तयारी भएको डिएसपी विष्टले बताए । चौधरीको साथबाट एक थान मोटरसाइकल, एक थान मोबाईल र एक थान भारतीय सिम पनि बरामद भएक प्रहरीले जनाएको छ ।