फागुन २१ गते ।

कन्टेनर र ट्रक एक आपसमा ठोक्किँदा एकजनाको ज्यान गएको छ । अन्य तीनजना गम्भीर घाइते भएका छन् ।महोतरीको बर्दिबास नगरपालिका ५ जंघा पुलमा भएको दुर्घटनामा ट्रक चालक बर्दिबास नगरपालिका ३ का ३० बर्षीय रुपेश बरायलीको मृत्यु भएको छ ।शुभ स्वस्तिक अस्पताल बर्दिबासमा उपचारको क्रममा मृत्यु भएको महोत्तरीका प्रहरी प्रवक्ता डिएसपी प्रकाश विष्टले जानकारी दिए ।दुर्घटनामा कन्टेनर चालक ललितपुर माहाकाल गाउँपालिका ३ का ४२ वर्षीय राजु लामा, ट्रकमा सवार सर्लाहीको ईश्वरपुर नगरपालिका १२ घाँरीबथान बस्ने २२ वर्षीया सुजता खड्का र सहचालक निरज परियार गम्भीर घाइते भएका छन् ।लामालाई थप उपचारको लागि काठमाडौं पठाइएको छ भने ख ड्का र परियारको बर्दिबासको एक अस्पतालमा उपचार भइरहेको प्रहरीले जनाएको छ ।पूर्वपश्चिम महेन्द्र राजमार्गअन्तर्गत बर्दिबासबाट पश्चिम तिर जाँदै गरेको ना ३ ख ६९६४ नम्बरको ट्रक र विपरित दशाबाट भुस लोड गरेर आउँदै गरेको प्र १-०२-००१ ख ९०९७ नम्बरको ट्रक एक आपसमा ठोक्किँएको हो ।घटना सम्बन्धमा थप अनुसन्धान भईरहेको डिएसपी विष्टले बताए ।