गरुडा, बैसाख २५

नेपाली काँग्रेसका सचिव तथा पूर्वमन्त्री गगन थापाले उम्मेदवारको मुख होइन नेपाली काँग्रेसको चुनाव चिन्ह रुखलाई हेरेर मतदान गर्न आग्रह गरेका छन् ।

चुनावको क्रममा रौतहटका विभिन्न स्थानमा आयोजित चुनावी सभालाई सम्बोधन गर्दै प्रखर युवा नेता थापाले नेपाली काँग्रेस पार्टीका कार्यकर्ताहरुमा केही असन्तुष्टि भए संस्थागत रुपमा व्यक्त गर्ने तर लोकतन्त्रको महाअभियानमा हुने चुनावमा भने पार्टीको चुनाव चिन्हबाहेक अरु केही नहेरी मतदान गर्न आग्रह गरेका हुन् ।

नेता थापाले स्थानीय तहमा नेपाली काँग्रेसको उम्मेदवार विजयी भएका केन्द्रबाट आफूले थप बजेटको व्यवस्था गर्ने पनि बताएका छन् । नेता थापाले नेपाली काँग्रेसको केन्द्रीय नीतिलाई स्थानीय तहमा लागू गर्न स्थानीय सरकार नेपाली काँग्रेसको हुनुपर्ने जिकिर गरेका छन् ।

नेता थापाले नेपाली काँग्रेसको बहुमतको सरकार भएका बृद्ध पेन्सनको उमेर ६५ वर्ष कायम गर्ने प्रतिबद्धता पनि व्यक्त गरेका छन् ।