गरुडा २६ बैशाख
रौतहटको गरुडा नगरपालिकामा जसपा नेपालले शक्ति प्रदर्शन गरेको छ । जसपा नेपालका कार्यकर्ताहरुले गरुडामा सोमवार विशाल जुलुस प्रदर्शन गरेको हो । जुलुसमा सैकडौँ मोटरसाइकल तथा दर्जनौँ चारचक्के गाडीको सहभागिता रहेको थियो । गरुडा नगरपालिकाको विभिन्न वडामा जसपा नेपालको जुलुसले प्रदर्शन गर्नुका साथै गरुडाको मुख्य बजारमा पनि शक्ति प्रदर्शन गरेको हो । जसपाको जुलुसलाई देखेर सर्वसाधारण आश्चर्यचकित भएका छन् । अन्य पार्टीहरुले आफ्नो शक्ति प्रदर्शन गर्नुभन्दा पहिले जसपाले गरुडामा शक्ति प्रदर्शन गरेको हो । अन्य विभिन्न दलले चुनाव प्रसारको अन्तिम दिन मंगलवार शक्ति प्रदर्शन गर्ने कार्यक्रम रहेको छ ।