गरुडा खबरदाता

बैसाख ३० गते शुक्रबार भइरहेको स्थानीय तहको चुनावको अन्तिम दिन उम्मेदवारहरुले मतदाता भेटघाटलाई तिव्रता दिएका छन् । उम्मेदवारहरुले मतदातालाई प्रत्यक्ष रुपमा अन्तिम पटक भेट गरेर आफ्नो पक्षमा मतदान गर्न आग्रह गरेका हुन् । चुनाव प्रचार प्रसारको अवधि समाप्त भइसकेको र मौन अवधि सुरु भइसकेकोले स्थानीय तहको निर्वाचनका सबै उम्मेदवारले प्रचार प्रसार बन्द गरेका छन् । चुनाव प्रचार प्रसारको अन्तिम दिन विभिन्न ठाउँमा उम्मेदवारहरुले शक्ति प्रदर्शन पनि गरेका छन् भने कतिपय उम्मेदवारहरुले सामान्य पदयात्रा गरेर आफ्नो प्रचार अभियानलाई समापन गरेका छन् । रौतहटको गरुडा नगरपालिकामा विभिन्न पार्टीका उम्मेदवारहरुले आफ्नै किसिमले मतदानको लागि आग्रह गर्दै चुनाव प्रचार कार्यलाई समापन गरेका छन् ।