गरुडा खबरदाता

नेकपा एकीकृत समाजवादीका तर्फबाट गरुडा नगरपालिकाको मेयर पदका उम्मेदवार बृजकिशोर यादवले शान्तिपूर्ण तरिकाले मतदानमा भाग लिन सबै मतदातालाई आह्वान गरेका छन् । बैसाख ३० गते शुक्रबारका दिन देशभर एक साथ भइरहेको पालिका चुनावलाई शान्तिपूर्ण तथा मर्यादित बनाउन सबैको भूमिका आवश्यक भएकोले सबैले शान्तिपूर्ण किसिमले मतदान गर्न र यस कार्यमा सबैले सहयोग गर्न नेकपा एसका मेयर उम्मेदवार यादवले आह्वान गरेका हुन् । युवा नेता यादवले स्थानीय चुनावलाई शान्तिपूर्ण, मर्यादित तथा भयरहित बनाउन हरेक नागरिकले आफ्नो तर्फबाट सकारात्मक र सहयोगी भूमिका निर्वाह गर्न आग्रह गरेका हुन् ।