खबरपालिका
रौतहटको गरुडा नगरपालिकामा सबैभन्दा लोकप्रिय उम्मेदवारको रुपमा पूनमकुमारी चौधरी देखिएकी छन् । गरुडा नगरपालिकामा मेयर, उपमेयर, वडाध्यक्ष तथा वडा सदस्यहरुमध्ये सबैभन्दा बढी मत प्राप्त गरेर चौधरी सर्वाधिक लोकप्रिय उम्मेदवार बन्न सफल भएकी छन् । चौधरीले ६७०३ मत प्राप्त गरेर गरुडामा एउटा नयाँ इतिहास कायम गरेकी छन् ।
गरुडा नगरपालिकाको लागि सबै उम्मेदवारमध्ये सबैभन्दा फराकिलो मतान्तरले विजयी भएको उम्मेदवार पनि चौधरी नै हुन् ।
गरुडा नगरपालिकाको वडा नम्बर ४ बाट चौधरीले उपमेयरमा १२८७ मत प्राप्त गरेकी छन् जुन उपमेयर पदमा कुनै पनि उम्मेदवारले गरुडा नगरपालिकामा पाएको सबैभन्दा बढी मत हो ।
नेपाली काँग्रेसबाट उपमेयर पदका लागि उम्मेदवार चौधरीले निकतम प्रतिद्वन्द्वी जसपा नेपालबाट उपमेयर पदको उम्मेदवार बिन्दु देवी साहभन्दा अढाई हजार भन्दा बढी मतान्तरले चुनाव जितेकी हुन् ।
यसै गरी गरुडा नगरपालिकामा एउटै वडामा सबैभन्दा बढी मत ल्याउने सर्वाधिक लोकप्रिय उम्मेदवार रामबाबु साह कलवार भएका छन् । वडा नम्बर ६ का वडाध्यक्ष उम्मेदवार रामबाबु साह कलवारले आफ्नो वडाबाट १५५२ भोट ल्याएका छन् । उनी नेकपा एमालेको तर्फबाट वडाध्यक्षका उम्मेदवार रहेका थिए । वडा नम्बर ५ का वडाध्यक्ष उम्मेदवार नेकपा माओवादीका राम विनोद प्रसाद जयसवालले १३२८ मत प्राप्त गरी दोस्रो सर्वाधिक बढी मत प्राप्त गर्ने वडाध्यक्ष बनेका छन् ।
गरुडा नगरपालिकामा कुनै एक वडामा एक दलले सबैभन्दा बढी भोट नेकपा एमालेले प्राप्त गरेको छ । नेकपा एमालेले गरुडा नगरपालिका ६ मा वडाध्यक्षमा सबैभन्दा बढी भोट ल्याउन सफल भएको हो ।