रौतहटको गरुडा नगरपालिकामा नेकपा एकीकृत समाजवादीका तर्फबाट नगर प्रमुखका उम्मेदवार बृजकिशोर यादवले मतदातालाई धन्यवाद दिएका छन् । गरुडा नगरपालिको सबै वडा तथा सबै गाउँ र टोलमा चुनाव प्रचारको क्रममा पुग्दा आफूलाई सर्वसाधारण मतदाता तथा नागरिकले अपार सम्मान दिएको र जनताले दिएको स्नेहलाई आफूले हृदयमा राखेको बताउँदै नगर प्रमुख उम्मेदवार यादवले चुनावमा भएका कमी कमजोरीलाई समीक्षा गर्दै आगामी दिनमा नगरबासीको सेवा, सुविधा र संगठनको कार्यप्रति सदैव समर्पित रहने बताएका छन् । सामाजिक संजालमा नगर प्रमुख उम्मेदवार यादवले शुभेच्छुकहरुप्रति आभार पनि व्यक्त गरेका छन् ।