खबरपालिका÷रौतहट
रौतहट प्रहरीले सात किलो गाँजासहित रौतहटमा एक जनालाई पक्राउ गरेको छ । पक्राउ पर्नेमा रौतहटको चन्द्रपुर नगरपालिका ७ का पनिलाल दास रहेका छन् ।
दासले अवैध रुपमा गाँजाको कारोबार गरिरहेको सूचनाको आधारमा इलाका प्रहरी कार्यालय चन्द्रनिगाहपुरले दासको घरमा खोजतलास गरेको थियो । खोजतलासको क्रममा प्रहरीले दासको घरबाट सात किलो गाँजा बरामद गरेको हो ।
ठूलो परिमाणमा दासको घरबाट गाँजा बरामद भएपछि प्रहरीले गाँजासहित दासलाई पनि नियन्त्रणमा लिएको छ ।
दास विगत केही वर्षदेखि गाँजाको कारोबार घरबाटै गर्दै आएका थिए । गाँजा र गाँजाको कारोबार गर्ने मानिस पक्राउ परेपछि थप अनुसन्धान सुरु गरिएको इलाका प्रहरी कार्यालय चन्द्रनिगाहपुरले जनाएको छ ।