खबरपालिका÷गौर
रौतहटको गौर नगरपालिका नगर प्रमुख शम्भु साहले दुई विद्यालयको छड्के अनुगमन तथा निरीक्षण गरेका छन् । सदरमुकाम गौर १ मा रहेको आधारभूत विद्यालय तथा वैदनाथ आधारभूत विद्यालयको नगर प्रमुख साहले छड्के अनुगमन तथा निरीक्षण गरेका छन् । निरीक्षणको क्रममा दुवै विद्यालयमा धेरै कमी कमजोरीहरु पाइएको र ती कमी कमजोरीलाई सुधार गर्न नगर प्रमुख साहले तिन वटा सुझाव दिएको बताएका छन् । साहले दिएको सुझाव तथा निर्देशनको पालना नभए अर्को पटक अनुगमनमा कमी कमजोरी देखिए कारबाही गर्ने चेतावनी पनि नगर प्रमुख साहले दिएका छन् । विद्यालयको अवस्थामा सुधार नभए सबैभन्दा पहिले प्रधानाध्यापकलाई कारबाही गरिने चेतावनी नगर प्रमुख साहले दिएका छन् । रौतहट जिल्लामा सबैभन्दा बढी सक्रिय जननिर्वाचित प्रतिनिधिको रुपमा गौरका नगर प्रमुख शम्भु साह देखिएका छन् । शिक्षा तथा स्वास्थ्यको क्षेत्रमा नगर प्रमुख साह दिन रात काम गरिरहेको देखेर नगरबासी खुसी भएका छन् । गौर नगरपालिकाको प्रशासन तथा सेवा दुवै क्षेत्रमा नगरबासीले सुधार हुने आशा र अपेक्षा गरेको स्थानीयको भनाइ रहेको छ ।