गरुडा खबरपालिका
रौतहटको गरुडा नगरपालिकाका नगर प्रमुख कन्थमनि कलवारलाई नगरपालिका कार्यालयमा नै सम्मान गरिएको छ । नगर प्रमुख कलवारलाई नेपाल अपांग संघ रौतहटले सम्मान गरेको हो । संघका जिल्ला अध्यक्ष रामाशंकर साहको नेतृत्वमा नगरपालिका कार्यालयमा पुगेको संघका सदस्य तथा पदाधिकारीहरुको टोलीले नगर प्रमुख कलवारलाई सम्मान गरेको हो । नगर प्रमुख कलवारलाई सम्मान गर्दै पाँच वर्ष उत्कृष्ट कार्य सम्पादनको शुभकामना पनि गरेका छन् । उक्त अवसरमा नगर प्रमुख कलवारले आफूले सकेको सहयोग अपांगलाई गर्ने वाचा गर्दै नगरपालिकामा अपांगलाई प्राथमिकता राखेर कार्यक्रम बनाइने बताएका छन् ।