रौतहट खबरपालिका
रौतहटको देवाही गोनाही नगरपालिकाका नगर प्रमुख तथा उपप्रमुखले नेकपा एमालेका अध्यक्ष तथा पूर्व प्रधानमन्त्री केपि शर्मा ओलीसित भेटघाट गरेका छन् । नगर प्रमुख प्रेमलाल साह र उपप्रमुख परनियादेवी पटेलले ओली निबास बालकोट पुगेर भेटघाट गरेका हुन् । भेटघाटको क्रममा पूर्व प्रधानमन्त्री ओलीले नगर प्रमुख साह र उपप्रमुखलाई स्वागत गर्दै जितको बधाई दिएका छन् । पूर्व प्रधानमन्त्री ओलीले नगर प्रमुख साह र उपप्रमुख पटेललाई खाँदा ओढाएर सम्मान गर्दै आफ्नै हातले नगर प्रमुख साहलाई मिठाई खुवाएका छन् । पूर्व प्रधानमन्त्री ओलीले जनताको सेवा राम्रोसित गर्नको लागि नगर प्रमुख साह र उपप्रमुख पटेललाई निर्देशन पनि दिएका छन् ।