गौर खबरपालिका

रौतहटको गौर नगरपालिकाका नगर प्रमुख शम्भु साहले गौर नगरपालिकालाई विकसित बनाउनको लागि सार्वजनिक रुपमा सुझाव मागेका छन् । गौर नगरपालिकाले आगामी आर्थिक वर्षको लागि नीति तथा कार्यक्रम र बजेट तर्जुमाको कार्य प्रक्रिया अगाडि बढाइरहेकोले नगरलाई समृद्ध, सुविकसित तथा स्मार्ट नगरपालिकाको रुपमा विकास गर्न नीति, कार्यक्रम तथा बजेटमा समावेश गर्न उपयुक्त नीति, योजना तथा कार्यक्रम सम्बन्धी सुझाव मागेका हुन् । उपयुक्त सुझाव असार ५ गतेसम्म नगरपालिकाको इमेलमा वा सोझै नगरपालिकामा बुझाउनको लागि नगर प्रमुखले अनुरोध गरेका छन् ।