गरुडा खबरपालिका

सशस्त्र प्रहरी बल दुधियाभारले सत्र ओटा गाई बरामद गरेको छ । रातिको समयमा चेकजाँच गर्ने क्रममा सशस्त्र प्रहरीको दुधियाभार टोलीले शुक्रबार अबेर राति सत्र ओटा गाई बरामद गरेको थियो । नेपालगंजबाट ल्याएर भारततर्फ लैजाँदै गरेको प्रदेश २ – ०३ – ०००१ ख १४८७ नम्बरको गाडीलाई चेकजाँच गर्दा गाई बरामद भएको हो ।
बरामद गरिएको गाईलाई सशस्त्र प्रहरी बलले आवश्यक कारबाहीको लागि गौर भन्सारमा बुझाएको छ । गौर भन्सारले आवश्यक कानुनी प्रक्रिया पूरा गरी गाईको लिलाम बढाबढ गरी बिक्री गरेको खबर प्राप्त भएको छ ।
सशस्त्र प्रहरीले गाई बरामद गरेपछि भारततर्फ गाईको तस्करी हुने गरेको आशंका बढेको छ ।