रौतहटको वृन्दावन नगरपालिकाका नगर प्रमुख विनोद प्रसाद कुर्मीले विद्यालय भवनको शिलान्यास गरेका छन् । रौतहटको वृन्दावन नगरपालिका २ मा रहेको नेपाल माध्यमिक विद्यालयमा चारकोठे विद्यालय भवनको शिलान्यास गरेका हुन् । सोमवार बिहान एक कार्यक्रमबिच नगर प्रमुख कुर्मीले राष्ट्रपति शैक्षिक सुधार कार्यक्रम अन्तर्गत ३६ लाख रुपैयामा बन्ने एकतले ४ कोठे भवनको शिलान्यास गरेका हुन् । निर्माण हुन गइरहेको भवनमा कक्षाकोठा, पुस्तकालय, कम्प्युटर तथा प्राविधिक प्रयोगशालाको लागि प्रयोग गरिने प्रधानाध्यापक प्रेमलाल पटेलले जानकारी गराएका छन् ।