रौतहटको गरुडा नगरपालिकाका नगर प्रमुख कन्थमनि प्रसाद कलवारले कक्षा ११ को वार्षिक परीक्षाको अनुगमन गरेका छन् । गरुडा ४ स्थित श्री माध्यमिक विद्यालयमा संचालित कक्षा ११ को वार्षिक परीक्षाको कलवारले सोमवार बिहान अनुगमन गरेका हुन् । कक्षा ११ को परीक्षा नगरपालिकाका सबै विद्यालयमा बिहान संचालन भइरहेको छ । आइतवारदेखि संचालन भइरहेको परीक्षामा नगरपालिकाको मलाही, गरुडा, झाँझपुल, पिपरिया, जिंगडिया तथा श्रीपुरमा चलिरहेको छ । कक्षा ११ को वार्षिक परीक्षा विद्यालयले नै लिन पाउने प्रावधान रहेको भए पनि परीक्षामा एकरुपता ल्याउन नगरभरका सबै विद्यालयले एक साथ परीक्षाको संचालन गरेका हुन् ।