बैशाख २०,

सहिद स्मारक ए डिभिजन लिग फुटबलमा चर्च ब्वाइज युनाईटेडले फ्रेन्ड्स क्लबलाई पराजित गरेको छ।

आज त्रिपुरेश्वरस्थित दशरथ रंगशालामा भएको खेलमा चर्च ब्वाइजले फ्रेन्ड्स क्लबलाई २-१ गोल अन्तरले हराएको हो।

चर्च ब्वाइजको जितमा अन्जन विष्ट र आशिष चापागाईले एक एक गोल गरे।फ्रेन्ड्सका बेन क्वान्साले एक गोल गरे।

जितसँगै चर्च ब्वाइजले १४ खेलमा २४ अंक जोडेको छ। चर्च ब्वाइज दोस्रो स्थानमा उक्लिएको छ।फ्रेन्ड्सले १४ खेलमा १५ अंक जोडेको छ ।फ्रेन्ड्स सातौं स्थानमा रहेको छ।

साभार नागरिक न्युज