गरुडा, जेठ १६
रौतहटको गरुडा नगरपालिकाका नगर प्रमुख कन्थमनि प्रसाद कलवारले छठघाटमा सिंढीको शिलान्यास गरेका छन् । एक कार्यक्रमका बिच नगर प्रमुख कलवारले गरुडा नगरपालिका ५ लक्ष्मीपुरको छठघाटमा रहेको जल्पामाई मन्दिरको पर्खाल तथा नजिकै नदीमा छठघाटको लागि सिंढीको शिलान्यास गरेका हुन् ।
करिब दश लाख रुपैयाको लागतमा दुवै योजना निर्माण हुने बताइएको छ ।
पर्खालको निर्माणले जल्पामाई मन्दिरको संरक्षण हुनाका साथै मन्दिरको सुन्दरतामा वृद्धि हुने र छठघाटमा सिंढीको निर्माणले छठपबनीका व्रतालुहरुलाई सहज हुने विश्वास रहेको नगर प्रमुख कलवारले बताएका छन् ।