गरुडा, जेठ १७
रौतहटको गरुडामा किशोरी शिक्षा साक्षरता नौ महिने तालिम सम्पन्न भएको छ । एक समारोहबिच नगर प्रमुख कन्थमनि प्रसाद कलवारले नौ महिने तालिम प्राप्त गरेका २६ जना किशोरीहरुलाई प्रमाणपत्र प्रदान गरेका छन् ।
ग्रुडा नगरपालिका ८ जिंगडियामा आरम्भ परियोजना अन्तर्गत पिन नेपाल र आसमान नेपाल तथा सोडेकको साझेदारीमा संचालित सजावट सामुदायिक सिकाइ केन्द्रको नौ महिने तालिम सम्पन्न भएको हो ।
तलिम पूरा भएपछि विद्यालयबाहिर रहेका किशोरीहरुको साक्षरता तथा गणि शिक्षाको सुधारात्मक हाजिरी संज्ञानात्मक तथा असंज्ञानात्मक सिपहरु विकास हुने विश्वास आफूले लिएको नगर प्रमुख कलवारले बताएका छन् ।
यस्ता परियोजनाले शिक्षामा पहुँच, सिकाइ तथा नगरको साक्षरता दर बढ्ने विश्वास लिएको नगर प्रमुख कलवारले बताएका छन् ।