गरुडा, जेठ १८
रौतहटको गरुडामा नबिल बैंकको नयाँ शाखाको उद्घाटन भएको छ । गरुडा नगरपालिकाका नगर प्रमुख कन्थमनि प्रसाद कलवारले बैंकको नयाँ शाखाको उद्घाटन गरेका छन् ।
रौतहटको व्यापारिक नगरी भनेर परिचित गरुडा बजारको मेनरोडमा बैंकको शाखा विहीवारदेखि संचालनमा आएको छ । नगर प्रमुख कलवारले पानसमा शान्तिदीप बालेर शाखाको उद्घाटन गरेका छन् ।
शाखा संचालनमा आएपछि मध्यरौतहटका सेवाग्राहीलाई फाइदा पुग्ने विश्वास नगर प्रमुख कलवारले व्यक्त गरेका छन् ।
उक्त अवसरमा बैंकका शाखा प्रबन्धक, कर्मचारीका साथै गरुडा नगर उद्योग वाणिज्य संघका अध्यक्ष तथा पदाधिकारीहरु, सुरक्षाकर्मी तथा उद्योगी व्यावसायीहरुको सहभागिता रहेको थियो ।