रौतहट, जेठ १८
मधेश प्रदेशका भौतिक पूर्वाधार मन्त्री कृष्ण प्रसाद यादव शुक्रवार धर्मपुरमा स्वास्थ्य चौकीको नयाँ भवनको शिलान्यास गर्दै छन् । गढीमाई नगरपालिकाको धर्मपुरमा शुक्रवार बिहान साढे सात बजे मन्त्री यादव नगरस्तरीय स्वास्थ्य चौकी भवनको शिलान्यास गर्दै छन् ।
मन्त्री यादवको गृहपालिका गढीमाई नगरपालिकाको धर्मपुरमा रहेको बर्थिङ सेन्टर मधेश प्रदेशमै चर्चित रहेको छ । मन्त्री यादवले शिलान्यास गर्ने स्वास्थ्य चौकी भवनको निर्माण सम्पन्न भएपछि धर्मपुर, बखरी, धन्हारी, धोबिनियासहित करिब आधा दर्जन गाउँको स्वास्थ्य सेवामा सकारात्मक प्रभाव पर्ने बताइएको छ ।