रौतहट, जेठ २२
रौतहटको मौलापुर नगरपालिकाका शिक्षा शाखा प्रमुख राजेन्द्र साहलाई मौलापुर बहुप्राविधिक शिक्षालयको प्राचार्यमा नियुक्त भएका छन् । मौलापुर नगरपालिकाको शिक्षा शाखा प्रमुखका साथै साहले शिक्षालयको पनि प्रमुखको जिम्मेवारी निर्वाह गर्नुपर्ने भएको छ ।
सोमवार साहलाई बहुप्राविधिक शिक्षालयको प्राचार्यको पदमा पदस्थापन गरिएको छ । उक्त अवसरमा नगर प्रमुख रिना साह, निमित्त प्रमुख प्रशासकीय अधिकृत रामबाबु साहसहितको उपस्थिति रहेको थियो ।
नगरपालिकाले आफूमाथि विश्वास गरेर शिक्षा शाखा प्रमुखको साथै थपमा मौलापुर बहुप्राविधिक शिक्षालयको जिम्मेवारी दिएको र आफूले सकेजति उच्चतम क्षमताले आफ्नो योग्यता तथा दक्षताको प्रयोग गरी नगरको शिक्षा तथा बहुप्राविधिक शिक्षालयको जिम्मेवारी निर्वाह गर्ने साहले बताएका छन् ।