सर्लाही, खबरपालिका

माघ २८/सर्लाहीमा ठूलो परिणाममा प्रतिबन्धित लागू औषध बरामद भएको छ । सशस्त्र प्रहरी बल सर्लाहीले ठूलो परिमाढामा लागू औषध बरामद गरेको हो । सशस्त्र प्रहरी बल सुन्दरपुर चोहर्वा बेस क्याम्पबाट गस्तीमा गएको सशस्त्र प्रहरीको टोलीले बरहथवाबाट १२ हजार पिस नाइट्राभेट बरामद गरेको हो ।
सशस्त्र प्रहरीको गस्ती टोली बरहथवा नगरपालिका १७ श्रीपुर कटानी पुग्दा प्रहरीको गस्ती टोलीलाई देखेपछि मोटरसाइकल छोडेर भागेको र सोही मोटरसाइकलमा बोरामा राखेको अवस्थामा सशस्त्र प्रहरीले नाइट्राभेट बरामद गरेको हो । ना ५५ प ९२८ नम्बरको मोटरसाइकलको बोराभित्र पोका पारेर राखेको अवस्थामा प्रहरीले चेकजाँच गर्दा ठूलो परिणाममा लागू औषध बरामद भएको हो ।
सशस्त्र प्रहरी बल १० नम्बर गणका गणपति सशस्त्र प्रहरी उपरीक्षक भरत खनियाले दक्षिणतिरबाट उत्तरतिर मोटरसाइकलमा गइरहेको ठूलो परिणामको लागू औषध बरामद गरेको बताएका छन् । लागू औषध नियन्त्रण गर्न सशस्त्र प्रहरी बल सक्रिय भएर लागेको जानकारी दिएका छन् ।
सशस्त्र प्रहरी बल सर्लाहीले नेपाल प्रहरीसित समन्वय गरी कारबाही प्रक्रिया अगाडि बढाएको छ । बरामद ट्याबलेट र मोटरसाइकल थप कारबाहीको लागि नेपाल प्रहरीलाई बुझाएर आवश्यक प्रक्रिया अगाडि बढाएको हो ।