गरुडा २६ बैशाख
रौतहटको गरुडा नगरपालिकामा नेकपा एमालेको तर्फबाट मेयर पदको उम्मेदवार रहेका कन्थमनि प्रसाद कलवारले जनताले आफूलाई सेवाको मौका दिन लागेको पूर्ण विश्वास रहेको दाबी गरेका छन् । आफूले निकै पहिलेदेखि जनताको दुःख र सुखमा सहभागी हुँदै आएको तथा बाढी, सुख्खा, आगलागी, कोरोना आदिको समयमा आफूले घर घरमा गएर पीडितको सेवा गरेकोले जनताले आफूलाई त्यही सेवकको रुपमा देखेको विश्वास व्यक्त गरेका छन् । गरुडामा सोमवार पत्रकारहरुसित कुराकानी गर्दै एमाले उम्मेदवार कलवारले गरुडा नगरपालिकाको हरेक गाउँ र टोलमा आफूले जनताको राम्रो सत्कार पाएको बताएका छन् । गरुडालाई आफूले भ्रष्टाचारमुक्त बनाउने र सबै किसिमका सेवाहरु निशुल्क गर्ने प्रतिबद्धता व्यक्त गर्दै एमाले उम्मेदवार जयसवालले आफूले चुनाव जितिरहेको दाबी गरेका छन् ।