गरुडा २६ बैशाख
रौतहटको गरुडा नगरपालिकामा मेयर पदका लागि लोकतान्त्रिक समाजवादी पार्टीबाट उम्मेदवार बनेका नवयुवक दीपक राय यादवले स्थानीय तहमा नेतृत्व सुधारको लागि आफू उम्मेदवार बनेको बताएका छन् । एमबिएस सम्मको अध्ययन गरेर राजनीतिमा आएका युवा नेता यादवले आफूमा रहेको क्षमतालाई पहिचान गरेर लोसपा नेपालले टिकट दिएको दाबी गरेका छन् । पत्रकाहरुसित कुराकानी गर्दै नेता यादवले गरुडा नगरपालिकामा आफूले जितेर राम्रो काम गरेपछि अन्य युवामा पनि राजनीतिप्रति सकारात्मक भावनाको विकास हुने दाबी गरेका छन् । राजनीतिमा सुधार गर्न र राजनीतिको देखिएको भ्रष्ट वातावरणलाई सुधार गर्न आफू राजनीतिमा आएको र अब अन्य युवालाई प्रेरणा दिन आफूलाई सहयोग पुगेको विश्वास व्यक्त गरेका छन् । यसै बिच युवा नेता यादवले गरुडा नगरपालिका १ जयनगर र वडा नम्बर ५ महम्मदपुरमा घरदैलो कार्यक्रम सम्पन्न गरेका छन् ।