गरुडा, जेठ १६
रौतहटको गरुडा नगरापालिका ५ ठेठरहियामा अब कक्षा ६ सञ्चालन भएको छ । लामो समयदेखि प्राथमिक तहको कक्षा ५ सम्म सञ्चालित जनज्योति आधारभूत विद्यालयमा चालू शैक्षिक सत्रदेखि नै कक्षा ६ को पठनपाठन सुरु गरिएको छ ।
एक समारोहबिच नगर प्रमुख कन्थमनि प्रसाद कलवार ता वडाध्यक्ष राम विनोद साहले गरुडा नगरपालिका कार्यालयबाट कक्षा ६ सञ्चालनको लागि अनुमति दिइएको प्रमाणपत्र विद्यालयलाई प्रदान गर्दै कक्षा ६ को उद्घाटन पनि गरेका छन् ।
उक्त अवसरमा विद्यालयका प्रधानाध्यापक, शिक्षक, अभिभावक तथा विद्यार्थीको सहभागिता रहेको थियो ।