रुसले युक्रेनमाथि गरेको आक्रमण अझै जारी छ । रुस र युक्रेन युद्धको अढाई महिना पूरा भएको छ । यस बिचमा रुसले युक्रेनको कैयौँ शहरलाई बर्बाद तुल्याइदिएको छ । रुसले युक्रेनका कतिपय शहरमाथि कब्जा पनि जमाएको छ ।

रुस र युक्रेन युद्ध कहिले समाप्त हुने हो ? यो प्रश्नको उत्तर धेरै जटिल बन्दै गएको छ । रुसले जसरी पनि युक्रेनलाई झुकाउन चाहेको हो भने युक्रेन कुनै पनि मूल्यमा हार मान्न तयार देखिएको छैन । रुसले युक्रेनमाथि निरन्तर हमला गरिरहँदा युक्रेनले पनि प्रतिरक्षात्मक आक्रमण गरिरहेको छ । युद्धमा रुसले पनि ठूलो क्षति बेहोरेको छ । युक्रेनले पश्चिमी देशहरुको सहयोगले रुसको आक्रमणबाट प्रतिरक्षा गर्दै रुसको युद्ध सामग्रीमाथि पनि क्षति पु¥याइरहेको छ ।