गरुडा
रौतहटको गरुडा नगरपालिकाको नगर कार्यपालिका कार्यालयमा नयाँ हाकिम हाजिर भएका छन् । गरुडा नगरपालिकाको प्रमुख प्रशासकीय अधिकृतमा हेमराज फुयाल सोमवार हाजिर भएका हुन् ।
लामो प्रशासनिक अनुभव रहेका फुयालले कार्यालय प्रमुखको जिम्मेवारी सम्हालेपछि नियमित रुपमा कार्यालयको काम सुचारु हुने विश्वास रहेको छ ।
यसअघि भूदेव झा कार्यालय प्रमुख रहेका थिए । झालाई गरुडा नगरपालिकाको कार्यालय प्रमुखको कार्यभार थपमा दिइएको थियो । झा ईशनाथ नगरपालिकाको कार्यालय प्रमुखको जिम्मेवारीमा रहेका छन् ।