रेणु गुप्ता
बज्जिका भाषामे बहुत कम पत्रिका निकलरहल हए । बज्जिका पत्रिका दू किसि

क्षयकोषमे जमा भेल रकमके ब्याजसे हर साल ई पत्रिका प्रकाशन होरहलासे ई पत्रिका सालमे एकेगो सही, मगर निकलेके आसा जरुर हए । ओना त बालबज्जी बालसाहित्यिक द्वैमासिक आ भगजोगनी मासिक पत्रिका भी निकलल रहे कुछ अंक । मगर दुनु पत्रिका खासे बेसी अंक प्रकाशन होए नसकल ।
बज्जिका भाषामे पत्रिका निकलनाइ अपनेआपमे लोहाके चिउरा चिबानाइ बराबर हए तइओ कुछ प्रतिबद्ध लोगके टिमसे बज्जिकाञ्चल दैनिक आ बज्जी साहित्यिक त्रैमासिक पत्रिका निकलरहल हए । बज्जी साहित्यिक त्रैमासिक सर्लाहीके सदरमुकाम मलंगवासे प्रकाशन होरहल हए जेकर नेतृत्व कररहल छत रामचन्द्र महतो कुशवाहा । अइसही बज्जिकाञ्चल दैनिक रौतहटके कटहरियासे राजुकुमार श्रीवास्तवके नेतृत्वमे प्रकाशन होरहल हए ।
ओना त भारतसे बज्जिका भाषामे साहित्यिक पत्रिका सब प्रकाशन होरहल मगर दैनिक पत्रिका प्रकाशन भेल अभीतक सुनेमे नआएल हए । नेपालसे बज्जिका भाषामे अखबार आ साहित्यिक पत्रिका दुनु प्रकाशन होनाइ इहाँके बज्जिका भाषासेवीके लगनशीलता ही मुख्य कारक रहल देखलगेल हए ।