रौतहटको गरुडा नगरपालिकाका नवनिर्वाचित जनप्रतिनिधिहरुको शपथ ग्रहण जेठ १६ गते सोमवारको दिन हुने भएको छ । जिल्लामा सबैभन्दा ढिलो मतगणना परिणाम सार्वजनिक भएको र शुक्रबारको दिन मात्र नवनिर्वाचित जनप्रतिनिधिहरुले निर्वाचित प्रमाणपत्र प्राप्त गरेकाले शपथ ग्रहण तथा पदभार ग्रहणमा केही ढिलो हुन पुगेको हो । गरुडा नगरपालिकाको निर्वाचन कार्यालयले जेठ १६ गते सोमवार नवनिर्वाचित जनप्रतिनिधिहरुको शपथ ग्रहण हुने जनाएको छ । सोही दिन पहिले नगर प्रमुख कन्थमनि प्रसाद कलवारले शपथ ग्रहण गर्ने र त्यसपछि लगत्तै नगर प्रमुख कलवारले नगर उपप्रमुख, वडाध्यक्ष तथा सम्पूर्ण निर्वाचित जनप्रतिनिधिहरुलाई शपथ ग्रहण गराउने कार्यक्रम रहेको खबर छ । सोही दिन जनप्रतिनिधिहरुले पदभार ग्रहण गर्ने कार्यक्रम रहेको पनि जनाइएको छ ।