रौतहटको गरुडा नगरपालिकामा नवनिर्वाचित जनप्रतिनिधिको शपथ ग्रहण जेठ १६ गते सोमवार दिउँसो ३ बजे हुँदैछ । गरुडा नगरपालिकाका निमित्त प्रमुख प्रशासकीय अधिकृत रामबाबु राय यादवले एक सूचना जारी गरी शपथ ग्रहण समारोहमा उपस्थित भइदिनका लागि सबै नवनिर्वाचित जनप्रतिनिधिलाई अनुरोध गरेका छन् । शपथ ग्रहण कार्यक्रम गरुडा नगरपालिकाको नगर कार्यपालिका कार्यालयमा रहेको सभा हलमा हुने जनाइएको छ । गरुडा नगरपालिकाका सबै नवनिर्वाचित प्रतिनिधिहरुले शपथ ग्रहण गरेपछि अधिकांशले सोमवार नै पदभार ग्रहण गर्ने कार्यक्रम रहेको बुझिएको छ ।