रौतहटको गढीमाई नगरपालिका ३ लक्ष्मीपुर टोलमा एक बालकको शव भेटिएको छ । गत शुक्रवारदेखि हराइरहेका बालकको खोजीको क्रममा बालकको शव कुहिएको अवस्थामा भेटिएको हो ।
गढीमाई नगरपालिका ३ लक्ष्मीपुरका अजमद आलमका ३ वर्षका छोरा आजाद आलमको शव आइतवार दिउँसो भेटिएको हो । घरबाटै हराएका बालक नभेटिएपछि प्रहरीलाई खोजतलासको लागि खबर गरिएको थियो । खोजतलासकै क्रममा गाउँदेखि पूर्व बालकको शव भेटिएको हो ।
हराएका बालकको शव भेटिएपछि अनुसन्धानको लागि प्रदेश प्रहरी कार्यालयबाट तालिम प्राप्त कुकुर मगाएर अनुसन्धान भइरहेको इलाका प्रहरी कार्यालय गरुडाका प्रमुख डिएसपि बरुण सिंहले जानकारी गराएका छन् ।