रौतहटको गरुडा नगरपालिकाका नगर प्रमुख तथा उपप्रमुख विभिन्न वडा कार्यालय पुगेर वडाध्यक्षहरुको पदभार ग्रहण कार्यक्रममा व्यस्त देखिएका छन् । गत सोमवार सबैले एक साथ शपथ ग्रहण गरेका भए पनि अधिकांश वडाध्यक्षले बुधवार मात्र पदभार ग्रहण गरेका छन् । गरुडा नगरपालिकाका नगर प्रमुख कन्थमनि प्रसाद कलवार तथा उपप्रमुख पुनमकुमारी चौधरीले विभिन्न वडाको वडा कार्यालयमा आयोजित वडाध्यक्षको पदभार ग्रहण कार्यक्रममा सहभागी भएका छन् । नगर प्रमुख कलवार र उपप्रमुख चौधरीले वडाध्यक्षहरुलाई पदभार ग्रहणपछि कार्यकालको सफलताको शुभकामना पनि दिएका छन् ।