रौतहटको गरुडा नगरपालिका ५ का वडाध्यक्ष राम विनोद प्रसाद जयसवालले बुधवार पदभार ग्रहण गर्दै विभिन्न किसिमका घोषणा गरेका छन् । वडाध्यक्ष जयसवालले वडाका एकल महिलालाई वडाको तर्फबाट थप पाँच सय रुपैया प्रति महिना उपलब्ध गराउने घोषणा गरेका छन् । यसै गरी वडाको महम्मदपुर, लक्ष्मीपुर, शिवनगर र ठेठरहियाका एक एक जना गरी चार जना गरिब दलितको लागि घर बनाइदिने घोषणा पनि गरेका छन् । यसै गरी आफ्नो वडा कार्यालयबाट हुने सबै किसिमको सिफारिश निशुल्क गर्ने घोषणा पनि गरेका छन् । वडाध्यक्षको पद सम्हाल्दै जयसवालले गरेको घोषणाको सर्वत्र प्रशंसा भइरहेको छ ।