खबरपालिका, रौतहट
रौतहटको गढीमाई नगरपालिकाको नगर कार्यपालिकाको निर्वाचन सम्पन्न भएको छ । गत बैसाख ३ं० मा नगरको निर्वाचन सम्पन्न हुँदा एक बुथमा केही समस्या भएको र जेठ ४ मा निर्वाचन सम्पन्न भई नगर प्रमुखमा नेपाली काँग्रेस र उपप्रमुखमा जसपा नेपालले जित हासिल गरेको थियो । गढीमाई नगरपालिकामा पनि कुनै दलको स्पष्ट बहुमत नआउँदा नेपाली काँग्रेस सबैभन्दा बलियो पार्टीको रुपमा देखा परेको थियो । नेपाली काँग्रेस र नेकपा एसले मिलेर चुनाव लडेको गढीमाईमा नेका र जसपा नै बलियो पार्टीको रुपमा रहेका छन् । आइतवार सम्पन्न कार्यपालिका निर्वाचनमा पनि नेपाली काँग्रेसले ६ र लोसपाले २ सिट हात पारेको छ । नगर सभामा नेपाली काँग्रेसको स्पष्ट बहुमत आउन केही कम भए पनि कार्यपालिकामा नेपाली काँग्रेस र समर्थक दलको गरी गठबन्धनको पूर्ण बहुमत कायम भएको छ । कार्यपालिकामा नेपाली काँग्रेस गठबन्धनको पूर्ण बहुमत भएपछि काम गर्न सजिलो हुने भएको छ ।