नेकपा एमाले नगर समिति गरुडाले युवाहरुलाई सम्मानित गरेको छ । गत बैसाखमा भएको स्थानीय तहको निर्वाचनमा नेकपा एमालेलाई सहयोग गरेका युवाहरुलाई नेकपा एमाले नगर समितिले सम्मानित गरेको हो । एमाले गरुडा नगर समिति अध्यक्ष लालबाबु साहको अध्यक्षतामा भएको कार्यक्रममा नेकपा एमालेका केन्द्रीय सदस्य उद्धव रेग्मी तथा गरुडा नगरपालिकाका नगर प्रमुख कन्थमनि प्रसाद कलवारले गरुडा नगरपालिकाका वडा नम्बर १ देखि ९ सम्मका करिब दुई सय युवालाई सम्मानित गरेका छन् । उक्त अवसरमा प्रमुख अतिथि रेग्मी तथा नगर प्रमुख कलवारले युवाहरुलाई अब नगरको विकासमा सहयोग गर्न आग्रह गरेका छन् । कार्यक्रममा नेकपा एमालेबाट नवनिर्वाचित जनप्रतिनिधिहरुका साथै एमालेको प्रदेश, जिल्ला तथा नगर समितिका विभिन्न पदाधिकारीहरुको पनि सहभागिता रहेको थियो ।