गौर खबरपालिका

रौतहटको गौर नगरपालिकाका नगर प्रमुख शम्भु साहले किसानहरुलाई कृषि उपकरणहरु प्रदान गरेका छन् ।

प्रधानमन्त्री कृषि आधुनिकीकरण परियोजना अन्तर्गत किसानहरुलाई नगर प्रमुख साहले पम्पिङ सेट, मोटर, पाइप, भप्लेटर लगायतका उपकरणहरु प्रदान गरेका छन् । नगर प्रमुख साहले २५ किसानलाई विभिन्न आधुनिक सामग्री प्रदान गरेका हुन् ।

किसानहरुलाई आधुनिक कृषि उपकरण प्रदान गर्दै नगर प्रमुख साहले “अन्नदाता किसानहरुलाई कृषिकर्ममा सहयोग गर्ने सामग्री हस्तान्तरण गर्न पाएकोमा खुसी लागेको” बताएका छन् । नगर प्रमुख साहले किसानहरुप्रति अति उच्च सम्मानका शब्दहरुले सम्बोधन गर्दा किसानहरु प्रफुल्लित बनेका छन् । अन्नदाताले माटोमा चुहाएको पसिनाले जीवन चल्ने हुनाले सबैले सम्मान गर्दै सम्भव भएसम्म अन्नदातालाई आधुनिक उपकरण र अन्य सुविधा प्रदान गर्नतर्फ ध्यान दिनुपर्ने बताएका छन् ।